"ძალიანაც მეამაყება რომ ყველაზე ღარიბი პოლიტიკოსი ვარ საქართველოში!" - ალეკო ელისაშვილი
პარლამენტარი, ალეკო ელისაშვილი სოციალურ ქსელში აზირებს სტატიას სათაურით: "მეგობრის ნაჩუქარი იარაღი, ბინა და 2001 წლიანი ავტომობილი – რა ქონებას ფლობს ერთ-ერთი ყველაზე ღარიბი პარლამენტარი, რომელიც შვილიშვილზე ოცნებობს?” და წერს:
"ძალიანაც მეამაყება, რომ ყველაზე ღარიბი პოლიტიკოსი ვარ საქართველოში! 2024 წელს – ეს პარლამენტი რომ დაასრულებს მუშაობას, მაშინაც გამადიდებელი შუშით შეამოწმეთ ჩემი ქონება და შემოსავლები და ისევ ისე იქნება ყველაფერი. ვინც რამე “მუთაქებში დამალულ” ქონებას აღმომიჩენს, ფეშქაში იყოს ეგრევე… რაც ძალი და ღონე მაქვს, ჩემ საქართველოს ვემსახურები და ასე იქნება სანამ ცოცხალი ვარ!”, - წერს პარლამენტარი.
