"ბიძინა ივანიშვილის დამსახურებაა ყველა მიღწევა, რომელიც უკავშირდება საქართველოს EU-სთან ინტეგრაციას" - ღარიბაშვილი
საქართველოს პრემიერ-მინისტრის, ირაკლი ღარიბაშვილის განცხადებით ყველა ურთიერთშეთანხმება, რომელიც მიღწეული იქნა ევროკავშირთან ბიძინა ივანიშვილის დამსახურებაა.
"მინდა ვუთხრა ჩვენ ძვირფას ხალხს, რომ სწორედ "ქართული ოცნების" და ბიძინა ივანიშვილის დამსახურებაა ყველა ის ხელშესახები მიღწევა, რომელიც უკავშირდება საქართველოს ევროკავშირთან ინტეგრაციას. და მე რამდენიმეს შევახსენებ ჩვენ მოსახლეობას - ასოცირების ხელშეკრულება, თავისუფალი ვაჭრობა, უვიზო რეჟიმი და ახლა უკვე ევროპული პერსპექტივა და კანდიდატის სტატუსი. ეს ყველაფერი მეგობრებო უკავშირდება "ქართული ოცნების" მმართველობას", - განაცხადა პრემიერ-მინისტრმა.
