"სამი თვე ელოდა... დარდისგან გამოილია, დაპატარავდა და მოკვდა..." - ტაისონას ტრაგიკული ისტორია
თამაზ ელიზბარაშვილის ძაღლების თავშესაფარი სოციალურ ქსელში პატრონის მიერ მიტოვებული ქართული ნაგაზის ტრაგიკულ ისტორიას აზიარებს.
"ეს იყო ტაისონა, ქართული ნაგაზი.
ლეკვი იყო, გულში რომ ჩაიკრეს და ოჯახის წევრად დაიგულეს.
ხუთი წლის მერე მობეზრდათ და თავშესაფარში ჩააბარეს.
იქ გააფრთხილეს, რომ ვერ გადაიტანდა განშორებას, მაგრამ ...
სამი თვე ელოდა პატრონს. დარდისგან გამოილია, დაპატარავდა და მოკვდა ტაისონა ...
ეს იყო ტაისონა. ის ძაღლი იყო და ლაპარაკი არ იცოდა...", - წერს თამაზ ელიზბარაშვილის ძაღლების თავშესაფარი.
