ღარიბაშვილის პრიორიტეტი ერთი ძალიან მდიდარი ადამიანის ინტერესებია - იან კელი პრემიერის წერილზე
საქართველოში ამერიკის ყოფილი ელჩი, იან კელი ეხმაურება პრემიერ ირაკლი ღარიბაშვილის მიერ, ევროკომისიის პრეზიდენტ ურსულა ფონ დერ ლაიენისთვის მიწერილ წერილს.
"რატომ წერს საქართველოს პრემიერმინისტრი ევროკავშირის პრეზიდენტს საკუთარი ქვეყნის უმდიდრესი ადამიანის სახელით, უგულებელყოფს რა რეფორმების გასატარებლად ევროკავშირის სხვა პუნქტებს?
სხვა თუ არაფერი, ეს იმაზე მეტყველებს, რომ მისი პრიორიტეტია, ერთი ძალიან მდიდარი ადამიანის ინტერესები ქვეყნის ინტერესებზე წინ დააყენოს", - აღნიშნავს კელი.
