კახეთში ორსართულიანი სახლი სრულად დაიწვა
თელავის მუნიციპალიტეტის სოფელ იყალთოში, ხანძრის შედეგად ორსართულიანი სახლი სრულად დაიწვა.
ცეცხლმა იმერლიშვილების ოჯახის კუთვნილი საცხოვრებელი სახლი სრულად გაანადგურა. დამწვარია საყოფაცხოვრებო ნივთები და ტანსაცმელიც. სახლის მესაკუთრეებს შორის, არავინ დაშავებულა.
ხანძრის გამომწვევ მიზეზს გამოძიება დაადგენს.
დღევანდელი მდგომარეობით, თელავში ხანძრის შედეგად დაზარალებული 6 ოჯახია, რომელიც საცხოვრებელი სახლის გადასახურად საჭირო მასალას მიიღებს.
