სასიხარულოა კიდევ ერთი ქალი ლიდერის ხილვა - სალომე ზურაბიშვილი ლიზ ტრასს პრემიერ-მინისტრად არჩევას ულოცავს
საქართველოს პრეზიდენტი, სალომე ზურაბიშვილი ლიზ ტრასს დიდი ბრიტანეთის პრემიერ-მინისტრის თანამდებობაზე არჩევას სოციალური ქსელით ულოცავს.
„ვულოცავ ლიზ ტრასს, გაერთიანებული სამეფოს ახალ პრემიერ-მინისტრს. ამ გადამწყვეტ მომენტში, სასიხარულოა კიდევ ერთი ქალი ლიდერის ხილვა, რომელიც ჩვენი კონტინენტის უსაფრთხოებისა და უფრო ძლიერი ტრანსატლანტიკური პარტნიორობისთვის იმუშავებს. ველი ერთად მუშაობას საქართველო-დიდი ბრიტანეთის ურთიერთობების გასაძლიერებლად“, - წერს სალომე ზურაბიშვილი „ტვიტერზე“.
ცნობისთვის, ცოტა ხნის წინ, დიდი ბრიტანეთის „კონსერვატიულმა პარტიამ“ ახალ პრემიერ-მინისტრად ლიზ ტრასი აირჩია.
