მობილიზაციის დასრულებისთვის პუტინის განკარგულება საჭირო არაა - დმიტრი პესკოვი
კრემლის სპიკერის, დმიტრი პესკოვის თქმით, მობილიზაციის დასრულებისთვის რუსეთის პრეზიდენტის, ვლადიმერ პუტინის განკარგულება საჭირო არაა .
,,პრეზიდენტმა თქვა, რომ (ამ საკითხს) იურისტებთან და სამართალმცოდნეებთან განიხილავდა. გაცნობებთ: განკარგულება საჭირო არაა“, – თქვა პესკოვმა.
კითხვაზე, პუტინის მიერ აქამდე გაცემულ განკარგულებას ნაწილობრივი მობილიზაციის შესახებ ექნება თუ არა შენარჩუნებული ძალა, პესკოვმა უპასუხა, რომ საუბარი იყო კონკრეტულად 300 000 ადამიანზე და ეს განკარგულება შესრულებულია.