ზეციდან მოვლენილი პიროვნებაა... - ბეჟან წაქაძე ბიძინა ივანიშვილზე
"ქართული ოცნების" დეპუტატმა, ბეჟან წაქაძემ ევროპარლამენტის რეზოლუციაზე ისაუბრა.
მან ასევე აღნიშნა, რომ საქართველოს ყოფილი პრემიერ-მინისტრი, ბიძინა ივანიშვილი ზეციდან მოვლენილი პიროვნებაა.
"კულისებიდან როგორ, მაშინ ეს ყოფილა ზეციდან მოვლენილი პიროვნება, რომ არ დადის, არ რეკავს, თუნდაც რეკვას ხო?! ტელეფონით აგვარებს და სახელმწიფოს მართავს, ეს როგორ წარმოგიდგენიათ თქვენ?! ევროპარლამენტარები ჩვეულებრივი ადამიანები არიან, რომლებიც იღებენ აქედან ინფორმაციას, გადაუმოწმებელს ეტყობა, თორემ აი ერთი ფაქტი ხომ უნდა არსებობდეს, რომ ბიძინა ივანიშვილი ჩართულია პოლიტიკაში. ესე იგი არ მოდის, ტელევიზიას არ გეხმაურებათ, არ აქვს საჯარო გამოსვლები, არ კონტაქტობს არცერთ პოლიტიკოსთან, ზის სახლში და იქიდან მართავს ქვეყანას?! მაშინ ეს ყოფილა, ზეციური მოვლენაა", - განაცხადა დეპუტატმა.
