“ჩემი ემოციური მდგომარეობიდან გამომდინარე, დაგეგმილ „ევროვიზიის“ პრომოტურზე ყველა აქტივობა გავაუქმე”- ნუცა ბუზალაძე
მომღერალმა ნუცა ბუზალაძემ, რომლის ძმა ახლახან, აშშ-ში გარდაიცვალა, სოციალურ ქსელში ემოციური სტატუსი გამოაქვეყნა, რომელსაც უცვლლელად გთავაზობთ:
მინდა ყველას უდიდესი მადლობა გადაგიხადოთ ჩემი და ჩემი ოჯახის მწუხარების გაზიარებისთვის. ძალიან რთული დღეები გავიარე და ალბათ წინ კიდევ ბევრი ასეთი დღეა, მაგრამ გპირდებით აუცილებლად მოვიკრებ ძალას და გავაგრძელებ შრომას იმ ძალიან საპასუხისმგებლო კონკურსისთვის, რაც ევროვიზიაა. ჩვენი ბიჭების გამარჯვებამ ძალიან დიდი მოტივაცია მომცა, რომ ჩვენი ქვეყანა მაისში კიდევ უფრო ღირსეულად წარვადგინო და მერწმუნეთ ამისთვის მთელი ჩემი არსებით დავიხარჯები. ჩემი ემოციური მდგომარეობიდან გამომდინარე, მიმდინარე კვირაში, მადრიდში დაგეგმილ ევროვიზიის პრომოტურზე ყველა აქტივობა გავაუქმე, მაგრამ სპეციალური სტუმრის სტატუსით ვიმღერებ დასკვნით ღონისძიებაზე და ჩემს ძმას ჩემთვის ერთ-ერთ საყვარელ სიმღერას მივუძღვნი. შემდეგი კვირიდან კი სრული ძალებით მოვემზადები უკვე დაგეგმილი პრომო ტურებისთვის. ამ საკმაოდ რთულ და ემოციურ გზაზე დამჭირდება თქვენი, ჩემი გულშემატკივრის თანადგომა, რომელსაც არასოდეს, არცერთ რთულ მომენტში არ მივუტოვებივარ და დარწმუნებული ვარ ასე იქნება ახლაც. მიყვარხართ - წერს ნუცა ბუზალაძე.
