უცხოური გავლენის გამჭვირვალობის შესახებ“ კანონპროექტის მოწინააღმდეგეები მსვლელობით გალაკტიონის ხიდისკენ მიდიან
“უცხოური გავლენის გამჭვირვალობის შესახებ“ კანონპროექტის მოწინააღმდეგეები პარლამენტიდან გალაკტიონის ხიდის მიმართულებით მსვლელობას მართავენ.
როგორც აქციის ორგანიზატორმა განაცხადა, ისინი ხიდთან პერფორმანს გააკეთებენ და ევროკავშირის დროშებს გადმოფენენ.
პერფორმანსის დასრულების შემდეგ, აქციის მონაწილეები კვლავ პარლამენტთან დაბრუნებას გეგმავენ.
ამის მიამიტური მოლოდინი არ გვაქვს, რომ ხელისუფლება გაითვალისწინებ ჩვენს ნებას, რადგან მათ აქვთ დაკვეთა, რომ ყველაფრის ფასად ეს კანონი გაიტანოს ბოლომდე. ამ ხელისუფლებას საკუთარი ხალხის ხმა არ ესმის, არც არასდროს ესმოდა", - ამბობს აქციის მონაწილე.
