არასდროს შევხვედრივარ პატრიარქს, ძალიან მინდოდა და ბედნიერი ვარ - გიორგი მამარდაშვილი
საქართველოს კათოლიკოს-პატრიარქი ილია მეორე საქართველოს ეროვნული ნაკრების ფეხბურთელებს შეხვდა.
შეხვედრა დუშეთის მუნიციპალიტეტის სოფელ წითელსოფელში, საპატრიარქო რეზიდენციაში გაიმართა.
ილია მეორემ ნაკრების ფეხბურთელები დალოცა.
შეხვედრის შემდეგ კომენტარი გააკეთა ნაკრების მეკარემ გიორგი მამარდაშვილმა და აღნიშნა, რომ არასდროს შეხვედრია პატრიარქს და ეს მისთვის ბედნიერი დღეა.
"პირადად ჩემთვის ძალიან ბედნიერი დღეა, რადგან არასდროს შევხვედრივარ პატრიარქს, ძალიან მინდოდა და ბედნიერი ვარ დღეს. ორმაგად მაძლევს მოტივაციას და ენერგიას ეს ხალხი, ვინც გარეთ გამოვიდა და ვინც გერმანიაში ჩამოვიდა - ძალიან ბედნიერები ვართ, რადგან ამდენი ხალხი დაგვიდგა გვერდში და გამოჩნდა ფეხბურთის ძალა," - განაცხადა გიორგი მამარდაშვილმა.
ეროვნული ნაკრების მეკარემ კომენტარი იმ ჯილდოზეც გააკეთა, რომელიც ბიძინა ივანიშვილმა და ფონდმა "ქართუმ", ევროპის ჩემპიონატის მერვედფინალში გასვლის შემდეგ, ეროვნულ ნაკრებს გადასცა.
კარგი იქნება., თუ კიდევ ბევრი კომპანია გამოჩნდება და ფეხბურთში ჩადებს თანხას, რადგან ძალიან მნიშვნელოვანია. გამოჩნდა, რამდენს ნიშნავს ფეხბურთი ხალხისთვის და ძალიან მნიშვნელოვანია ეს ყველაფერი. მადლობელი ვარ, როგორც მე, ისევ მთელი ნაკრები. ჩვენ ფეხბურთელები ვართ და, რა თქმა უნდა, ფეხბურთის განვითარებაში წავა ეს ყველაფერი," - განაცხადა გიორგი მამარდაშვილმა.
