ნიჭიერი ახალგაზრდა კაცი გამოაკლდა ჩვენს ქალაქს - კალაძე ზურა ბერიკაშვილის გარდაცვალების გამო მწუხარებას გამოთქვამს
კიდევ ერთი ნიჭიერი ახალგაზრდა კაცი გამოაკლდა ჩვენს ქალაქს, ქართულ თეატრს, მაყურებელს,- ამის შესახებ კახა კალაძე სოციალურ ქსელში წერს და ზურა ბერიკაშვილის გარდაცვალების გამო მწუხარებას გამოთქვამს.
დედაქალაქის მერი უსამძიმრებს ზურას ოჯახს, კოლეგებს, ახლობლებს და საზოგადოებას.
"ვწუხვარ ცნობილი ქართველი მსახიობის, ზურაბ ბერიკაშვილის გარდაცვალების გამო.კიდევ ერთი ნიჭიერი ახალგაზრდა კაცი გამოაკლდა ჩვენს ქალაქს, ქართულ თეატრს, მაყურებელს.ვიზიარებ ზურაბ ბერიკაშვილის ოჯახის, მისი ახლობლების, ქართული თეატრალური საზოგადოების დიდ გულისტკივილს!“,-წერს კალაძე.
ცნობისთვის, მიმდინარე წლის იანვარში მსახიობი ზურა ბერიკაშვილი მოულოდნელად ცუდად გახდა. ინფარქტი გადაიტანა და გული საკმაოდ ხანგრძლივი დროით გაჩერდა. მისი მდგომარეობა ამ დრომდე მძიმე იყო. ის გერმანიის ერთ-ერთ კლინიკაში ჰყავდათ.
