როგორ და რატომ უნდა გაათავისუფლოთ სახლი ნეგატივისგან, ახალი წლის დადგომამდე?

თუ ნივთებს დროულად არ შეელევით, სახლში ნეგატიური ენერგია დაგროვდება და დადებითი ენერგიისთვის სივრცე აღარ დარჩება, რაც იმოქმედებს არა მხოლოდ 31 დეკემბრის ღამეზე, არამედ მთელ 2019 წელზე. გთავაზობთ გზებს ნეგატიური ენერგიის თავიდან მოსაშორებლად: გარდა ქვემოთ ჩამოთვლილი ნივთებისა ეს შეიძლება იყოს იმ ადამიანისგან მიღებული საჩუქარი, რომელიც წარსულში ჩატოვეთ; აქსესუარი/სამოსი, რომელიც უსიამოვნო შეგრძნებასთან ასოცირდება.

ძველი, გაქუცული ოთახის ჩუსტი - უარყოფითი ენერგიას იზიდავს. თუ ისინი დაიხა, მომენტალურად უნდა მოაშოროთ ბინიდან. აგრეთვე, არ შეინახოთ სახლში დახეული სამოსი, ფეხსაცმელი, გადაყარეთ!

არ გამოიყენოთ გაბზარული, დაზიანებული თეფში/ჭურჭელი. გარდა იმისა,
რომ იგი ნეგატიური ენერგიის მიმზიდველია, საშიშიცაა ჯანმრთელობისთვის. როგორც წესი, თეფში (ფიალა, ჯამი, თასი) ოჯახის სიმბოლოა, თუ იგი გაიბზარა ან გატყდა, მოიშორეთ, რათა ოჯახში უსიამოვნებებმა არ იჩინოს თავი.

ხვიარა მცენარეები. ისინი ავადმყოფობების მიმზიდავები არიან. თუ მისი გადაგდება გენანებათ, კედლებზე საცოცავად აღარ გაუშვათ, ქოთანში ჯოხებისა და მავთულის გამოყენებით ბუჩქად აქციეთ ან სასურველი ფორმა მიეცით ისე, რომ მაინც ქოთანში დარჩეს და იქიდან არ გადმოვიდეს.

ლელქაშის სახლში გაჩერება დაუშვებელია. გამხმარი იგი ოჯახში უბედურებას, ავადმყოფობასა და სიკვდილს იზიდავს. მსგავსი უსიამოვნება, ძირითადად ქვრივობა მოაქვს ვაციწვერასაც.

მოაშორეთ სახლიდან ზამბახი და მსგავსი მცენარეები, რომლებსაც სასაფლაოების მოსართავად რგავენ.

ნაძვის ტოტი და ხე საახალწლო დღეების გასვლის შემდეგ სახლიდან უნდა მოაშორეთ. მათი სხვა დროს ბინაში გაჩერება უსიამოვნების მომტანია.

სახლში ნურც ნაჩუქარ პალმას გააჩერებთ, - ეს უბედურების მომტანი მცენარეა.
წყარო: astrologi.ambebi.ge