"მესროლა ლუდის დიდი კათხა და მეორე ხელზე მომარტყა საფერფლე" - პოლიტიკური ანგარიშსწორება ოპოზიციის მხარდამჭერებზე გრძელდება
პოლიტიკური ანგარიშსწორება ოპოზიციის მხარდამჭერებზე გრძელდება - ბათუმში, მემედ აბაშიძის ქუჩაზე "ოცნების" აქტივისტმა ენმ-ს წევრს ფიზიკური შეურაცხყოფა მიაყენა. ნაციონალური მოძრაობის მხარდამჭერი, გვანცა შარაძე ამბობს, რომ "ოცნების" აქტივისტმა ზაზა გვარიშვილმა ჯერ სიტყვიერი შეურახყოფა მიაყენა, შემდეგ კი ლუდის კათხა და საფერფლე ესროლა.
"მხარდამჭერი ვარ ნაციონალური მოძრაობის და რომ ჩავიარე რაღაცები თქვეს მაგრამ არ მივაქციე ყურადღება. უკან რომ ვბრუნდებოდი მესროლა ლუდის დიდი კათხა და მეორე ხელზე მომარტყა საფერფლე, გამოვიძახე პატრული, მაგრამ ისინი უკვე გაქცეულები იყვნენ. დამემუქრნენ კიდევაც", - ამბობს გვანცა შარაძე.
წყარო:newposts.ge
