საფრანგეთში პირბადეების ტარება ბავშვებისთვისაც სავალდებულო გახდა
კორონავირუსის პანდემიასთან დაკავშირებული ვითარების გამო, საფრანგეთში პირბადეების ტარება 6 წლიდან ბავშვებისთვისაც სავალდებულო გახდა. ამის შესახებ საფრანგეთის პრემიერ მინისტრმა ჟან კასტექსმა პრესკონფერენციაზე განაცხადა.
გადაწყვეტილება ძალაში დღეიდან, 30 ოქტომბრიდან შევა. პრემიერ მინისტრმა აღნიშნა, რომ 2 ნოემბერს, საშემოდგომო არდადეგების შემდეგ ბავშვები სკოლებს დაუბრუნდებიან. საფრანგეთის უნივერსიტეტებში სწავლა დისტანციურ რეჟიმში მიმდინარეობს.
ჟან კასტექსის თქმით, კარანტინის პერიოდში მოქალაქეებს უფლება ექნებათ სახლები 1 საათით დატოვონ და სახლიდან 1 კმ-ის რადიუსში, სუფთა ჰაერზე ისეირნონ.
წესების დარღვევისთვის ჯარიმა 135 ევროა.
“ვირუსმა გავლენა მოახდინა მთელ ევროპაზე, არავის ეგონა, რომ ახალი აფეთქება ამდენად ძლიერი იქნებოდა” , – აღიარა კასტექსმა.
წყარო: https://progressnews.press/
