არჩევნებზე რაიმე კანონდარღვევა ან პროვოკაცია, რომელიც ნებისმიერი პოლიტიკური ძალის მხირდან იქნება ჩადენილი, უმკაცრესად დაისჯება - გიორგი გახარია

საქართველოს პრემიერ-მინისტრის, გიორგი გახარიას განცხადებით, ეს არჩევნები უნდა იყოს სამაგალითო, რომელიც პანდემიის პირობებში ჩატარდა.

მისი თქმით, საზოგადოება ვალდებულია, რომ არჩევნების დღეს მშვიდი გარემო შეინარჩუნოს:

"შემდგომი დემოკრატიული განვითარებისთვის უმნიშვნელოვანესი დღეა. ჩვენ ყველას ერთად შეგვიძლია მსოფლიოს კიდევ ერთხელ ვაჩვენოთ მაგალითი, როგორ შეიძლება პანდემიის პირობებში ჩავატაროთ სამაგალითო არჩევნები, თავისუფალი, ღია, დემოკრატიული და ტრანსპარანტული.

წინასაარჩევნო პერიოდმა როგორც ჩაიარა წყნარად, მშვიდად, აბსოლუტურად ტრანსფარენტულ და დემოკრატიულ გარემოში, ზუსტად ასე უნდა ჩაიაროს არჩევნების დღემ და შემდგომმა პერიოდმა. ეს არის ხელისუფლების, მთავრობის, ოპოზიციური პარტიების, მთელი ჩვენი საზოგადოების ვალდებულება, რომ ხვალინდელი დღე იყოს მშვიდი, დემოკრატიული, ღია, გამჭვირვალე და შემდგომი პერიოდიც უნდა შეესაბამებოდეს დემოკრატიის უმაღლეს სტანდარტებს.

ნებისმიერი სახის პროვოკაცია ან კანონდარღვევა მიუხედავად იმისა, რომელი პოლიტიკური ძალის წარმომადგენლის მხრიდან იქნება ჩადენილი, უმკაცრესად იქნება დასჯილი შესაბამისი უწყების მიერ.

შინაგან საქმეთა სამინისტროს უკვე აქვს მიღებული დავალება, როგორც საარჩევნო უბნებზე წესრიგის დასაცავად, ისევე მთელი ქვეყნის მასშტაბით არჩევნების დღეს და შემდგომაც მართლწესრიგის დაცვის გაძლიერების თვალსაზრისით," - განაცხადა პრემიერმა.

წყარო:newposts.ge