იაპონიაში ჭკვიანი პირბადე შექმნეს, რომელსაც 9 ენაზე თარგმნა შეუძლია
იაპონელმა ინჟინრებმა ე.წ. ჭკვიანი პირბადე შექმნეს. ის არამხოლოდ COVID-19-გან იცავს, არამედ თარჯიმნის ფუნქციის შესრულებაც შეუძლია. პირბადეს უნარი აქვს, რომ ტექსტები იაპონურიდან 9 სხვადასხვა ენაზე (ინგლისური, ფრანგული, ინდონეზიური, ესპანური, ვიეტნამური, კორეული, ჩინური და ტაივანური) თარგმნოს.
პლასტიკისგან დამზადებული სმარტ-პირბადე C-FACE კომპანია Donut Robotics-მა შეიმუშავა. სპეციალური მოწყობილობის საშუალებით შესაძლებელია, რომ პირბადე Bluetooth-ის საშუალებით სმარტფოინს ან პლანშეტს შეუერთდეს. . ის თარგმნის მომხმარებლის სალაპარაკო ენაზე ტექსტს, კარნახობს ფრაზებს. მას გააჩნია ასევე ზარის განხორციელების ფუნქციაც.
პანდემიამდე Donut Robotics-მა რობოტი-თარჯიმნები შექმნა ტოკიოს აეროპორტისთვის.
“ჭკვიანი პირბადის” გაყიდვები სექტემბრიდან დაიწყება და მისი ღირებულება 40 დოლარი იქნება. თავდაპირველად ის გაიყიდება იაპონიაში, ხოლო შემდეგ ჩინეთის, ევროპისა და აშშ-ს ბაზრებზე.
წყარო: https://progressnews.press/