სროლა მოსკოვში - 1 დაღუპული და 2 დაშავებული

მოსკოვის ცენტრში კომპანია Wildberries-ის ოფისის შესასვლელთან სროლა იყო. 

რუსული მედიის ინფორმაციით, სროლის შედეგად წინასწარი მონაცემებით, დაიღუპა ერთი და დაშავდა ორი ადამიანი.

მანამდე კი, გაერთიანებული კომპანიის Wildberries and Russ-ის პრესსამსახურმა TASS-ს განუცხადა, რომ ონლაინ საცალო ვაჭრობის თანამფლობელმა ვლადისლავ ბაკალჩუკმა დაცვასთან ერთად ოფისში შესვლა სცადა.

შემთხვევის ადგილზე პოლიციაა მობილიზებული და ლოკაცია ყვითელი ლენტით აქვთ შემოსაზღვრული. 

სამართალდამცავი ორგანოების ცნობით, 20-30 კაციანმა ჯგუფმა ბიზნესცენტრის შესასვლელთან მინის მსხვრევა დაიწყო, რასაც საპასუხოდ სროლა მოჰყვა. 

როგორც Wildberries-ის პრესსამსახურმა აღნიშნა, პირველად ცეცხლი ვლადისლავ ბაკალჩუკის თანმხლებმა შეიარაღებულმა პირებმა გახსნეს. 

„ერთდროულად ორ კომპანიის მისამართზე უკანონოდ შეღწევის მცდელობა განხორციელდა“, - ამბობენ კომპანიაში. 

საქმეზე მიმდინარეობს გამოძიება. დაკავებულია რამდენიმე ადამიანი. 

საგამოძიებო კომიტეტმა სროლის გარემოებების გარკვევა დაიწყო.