ლატვიაში 9 ნოემბრიდან ოთხკვირიანი კარანტინი ამოქმედდება
„კოვიდ-19“-ის პრევენციის მიზნით, ლატვიაში 9 ნოემბრიდან ოთხკვირიანი კარანტინი ამოქმედდება. ინფორმაციას გამოცემა „გარდიანი“ ავრცელებს.
ახალი შეზღუდვების მიხედვით, რესტორნები მხოლოდ გატანის სერვისით გააგრძელებენ მუშაობას. მაღაზიებში კი, ადამიანების რაოდენობა შეიზღუდება.
ლატვიაში დღეს „კოვიდ-19“-ის 367 ახალი შემთხვევა გამოვლინდა, საერთო ჯამში ქვეყანაში 7 119 დადასტურებული შემთხვევაა გამოვლენილი.
