არ ენდოთ პირებს, რომლებიც მერიის სახელით, კორპუსებში მცხოვრებ ოჯახებს თანხის სანაცვლოდ სადარბაზოების დეზინფიცირებას გთავაზობენ - თბილისის მერია
დედაქალაქის მერია მოსახლეობას აფრთხილებს, რომ კვლავ გააქტიურდნენ უცნობი პირები, რომლებიც თბილისის მერიის სახელით, სხვადასხვა უბანში, კორპუსებში მცხოვრებ ოჯახებს გარკვეული თანხის სანაცვლოდ სადარბაზოების დეზინფიცირებას სთავაზობენ.
"გაცნობებთ, რომ არც თბილისის მერიის და არც მის დაქვემდებარებაში მყოფი არცერთი უწყების კომპეტენციაში არ შედის სადარბაზოების დეზინფექცია, დეზინსექცია და დერატიზაცია.
შესაბამისად, მოვუწოდებთ მოსახლეობას არ ენდონ პირებს, რომლებიც თბილისის მერიის სახელით მომსახურებას სთავაზობენ",- განაცხადეს უწყებაში.
