დავით სერგეენკო: ელჩები ახმოვანებენ ქვეყნების და არა პირად პოზიციას
ელჩები ახმოვანებენ ქვეყნების და არა თავის პირად პოზიციას. მათი მოხსენიება, როგორც ტყვეებით ვაჭრების, ცალსახად მიუღებელია და არანაირად ხელს არ უწყობს მოლაპარაკების პროცესს, პირიქით, – ამის შესახებ პარლამენტის თავმჯდომარის მოადგილემ, დავით სერგეენკომ განაცხადა.
სერგეენკოს თქმით, რომ ოპოზიციის ნაწილისგან ელჩებისადმი ასეთი მიმართვა უცნაური მოსასმენია.
„იმედია, ოპოზიციის ნაწილისაგან მართლაც უცნაური მოსასმენია ასეთი მიმართვა იმ ქვეყნების ელჩებისადმი, რომლებიც ჩვენი სტრატეგიული პარტნიორები არიან. ელჩები იმ ქვეყნების პოზიციას ახმოვანებენ და არა თავის პირად პოზიციას. მათი მოხსენიება, როგორც ტყვეებით ვაჭრების, ცალსახად მიუღებელია და არანაირად ხელს არ უწყობს მოლაპარაკების პროცესს, პირიქით“, – განაცხადა დავით სერგეენკომ.
