არც კი იციან, რომ შვილი აღარ ჰყავთ, კოვიდით არიან მძიმე მდგომარეობაში - მაია კაჭკაჭიშვილი ემოციურ პოსტს აქვეყნებს
კომპოზიტორი მაია კაჭკაჭიშვილი სოციალურ ქსელში ემოციურ პოსტს აქვეყნებს, სადაც აღნიშნავს, რომ ცხოვრების ამ ეტაპზე ძალიან რთული პერიოდი აქვს.
“რაც დრო გადის, მით უფრო ვიაზრებ მდგომარეობას. ვცარიელდები და სასოწარკვეთილება მეუფლება, მაგრამ ვაი, რომ არ მაქვს უფლება, მივეცე ამ გრძნობას და გავერიდო ყველაფერს აქაურს! ბებო და ბაბუ მყავს კოვიდით მძიმე მდგომარეობაში და არც კი იციან, რომ შვილი აღარ ყავთ. ამის მერე ხომ მჭირდება ოდნავი ძალა, რომ ამათ მაინც მივხედო თუ გადარჩნენ, ან როგორ უნდა გავაგებინო 90 წლის მოხუცებს? ან ის პატარა ძალა რომლის იმედიც მაქვს, სად ვიშოვო? იმის ნაცვლად, რომ გავძლიერდე ვსუსტდები. ვიცი, რომ ამის უფლება არ მაქვს!
რა რთულია, რომ დამარქვეს ძლიერი ადამიანი და უნდა გავამართლო ეს სტატუსი. არადა არც იციან, რა სუსტი ვარ…”, – წერს მაია კაჭკაჭიშვილი.
