წალენჯიხის მუნიციპალიტეტში, ჯვარის ტყეში ხანძარია
წალენჯიხის მუნიციპალიტეტში ხანძარია. ცეცხლი ჯვარის ტყეში ქვედა საფარს გაუჩნდა.
საგანგებო სიტუაციების მართვის სამსახურის ინფორმაციით, ადგილზე მობილიზებულია მეხანძრე-მაშველთა 20 კაციანი ჯგუფი, სიტუაცია კონტროლს ექვემდებარება და მიმდინარეობს ხანძრის სალიკვიდაციო აქტიური სამუშაოები.
მათივე ინფორმაციით, ხანძარი დასახლებული პუნქტიდან შორსაა, გავრცელების საფრთხე არ არსებობს. ჯერ უცნობია, რა გახდა ხანძრის გამომწვევი მიზეზი.
