გამოკითხვა: საფრანგეთში ათიდან მხოლოდ ოთხ ადამიანს სურს Covid-19-ის საწინააღმდეგო ვაქცინის გაკეთება
სოციოლოგიური კვლევის სამსახურის Ipsos Global Advisor-ის გამოკითხვის თანახმად, საფრანგეთში ათიდან მხოლოდ ოთხ ადამიანს სურს Covid-19-ის საწინააღმდეგო ვაქცინის გაკეთება.
გამოკითხვის შედეგები ცხადყოფს, რომ რესპონდენტთა მხოლოდ 40%-ს სურს კორონავირუსის საწინააღმდეგო ვაქცინით აცრა.
შედარებისთვის, რუსეთში კორონავირუსის საწინააღმდეგო ვაქცინის გაკეთებას გამოკითხულთა 43%-ი აპირებს, სამხრეთ აფრიკის რესპუბლიკაში - 53%-ი, ჩინეთში - 80%-ი, ხოლო დიდ ბრიტანეთში - 77%-ი.
გამოკითხვის თანახმად, გვერდითი მოვლენების შიში ის მიზეზია, რის გამოც ვაქცინის გაკეთებას უფრთხიან.
საფრანგეთში ვაქცინაციის კამპანია 27 დეკემბერს დაიწყო. ვაქცინაციის პირველი სამი დღის განმავლობაში, ვაქცინა ასამდე ადამიანმა მიიღო.
