სალომე ზურაბიშვილი ჯო ბაიდენს აშშ-ის პრეზიდენტობას ულოცავს
საქართველოს პრეზიდენტი, სალომე ზურაბიშვილი, ჯო ბაიდენს ამერიკის შეერთებული შტატების პრეზიდენტობას ულოცავს. ზურაბიშვილმა ამერიკის ვიცე-პრეზიდენტობა კამალა ჰარისსაც მიულოცა.
"ისტორიისა და იმედის დღეა. ნება მიბოძეთ გულწრფელად მოგილოცოთ ბრიუსელიდან, სადაც საქართველო-ევროატლანტიკურ კავშირებზე ვისაუბრებ. დღეს პასუხისმგებლობა მსოფლიოს უდიდესი დემოკრატიის, თავისუფლების შუქურის წარმართვისკენ თქვენს ხელშია", — წერს სალომე ზურაბიშვილი ტვიტერის ოფიციალურ გვერდზე.
