თბილისში, ქუთაისსა და რუსთავში სკოლებისა და მუნიციპალური ტრანსპორტის გახსნა 1-ლი მარტიდან იგეგმება
მთავრობის გადაწყვეტილებით, თბილისში, ქუთაისსა და რუსთავში სკოლებისა და შესაბამისად მუნიციპალური ტრანსპორტის ფუნქციონირების აღდგენა პირველი მარტიდან იგეგმება.
"თბილისში, ქუთაისსა და რუსთავში 1-ლი თებერვლიდან განაახლებენ მუშაობას მაღაზიები და სავაჭრო ცენტრები. სკოლების და შესაბამისად მუნიციპალური ტრანსპორტის ფუნქციონირების მუშაობის აღდგენა გვაქვს დაგეგმილი პირველი მარტიდან", — განაცხადა ვიცე-პრემიერმა, მაია ცქიტიშვილმა მთავრობის ადმინისტრაციაში გამართულ ბრიფინგზე.