Pfizer-ის ვაქცინის პირველმა დოზამ 85%-იანი ეფექტი აჩვენა
Pfizer/BioNtech-ის ვაქცინის პირველმა დოზამ 85% ეფექტი აჩვენა. ისრაელის სამედიცინო ცენტრ „შებას“ კვლევის შედეგებს Reuters-ი აქვეყნებს.
კვლევაში მონაწილეობა კლინიკის 7 ათასზე მეტმა თანამშრომელმა მიიღო. ვაქცინის პირველი დოზის მიღების შემდეგ კლინიკაში კოვიდინფიცირების მაჩვენებელი თითქმის 75%-ით, სიმპტომებიანი შემთხვევების რიცხვი კი 85%-ით შემცირდა.
