ფრინველის გრიპის აფეთქება - H5N8 ადამიანებში პირველად დააფიქსირეს
ნიდერლანდებში, ერთ-ერთ ფერმაში ფრინველის გრიპის აფეთქებაა. გავრცელებული ინფორმაციით, საუბარია გრიპის მაღალპათოგენურ ვარიანტზე.
აღნიშნული ფერმის სიახლოვეს ფრინველთა კიდევ 2 ფერმა მდებარეობს, სადაც რამდენიმე ათეული ფრინველია. ადგილობრივი ხელისუფლების განმარტებით, ფერმებში ფრინველების განადგურება იგეგმება, გრიპის შემდგომი გავრცელების პრევენციის მიზნით.
დღესვე გავრცელდა ინფორმაცია, რომ რუსეთში ფრინველის გრიპი - H5N8-ით ადამიანის დაინფიცირების პირველი ლაბორატორიულად დადასტურებული შემთხვევა დაფიქსირდა.
მეცნიერების განმარტებით, რუსეთის სამხრეთში, ფერმის კიდევ 7 თანამშრომელს აუღეს გენეტიკური სინჯები.
ჯერჯერობით ვირუსის ადამიანიდან-ადამიანზე გადადების შემთხვევა არ დასტურდება, თუმცა რუსი მეცნიერები ვირუსის მუტაციის შემდეგ ამასაც არ გამორიცხავენ.