არჩილ თალაკვაძე ოპოზიციას მიმართავს - თუ მართლა გსურთ ვითარების განმუხტვა, ნიკა მელია კანონის მოთხოვნებს უნდა დაემორჩილოს
პარლამენტის თავმჯდომარის, არჩილ თალაკვაძის განცხადებით, "ნაციონალური მოძრაობის\' ლიდერი, ნიკა მელია კანონის მოთხოვნებს უნდა დაემორჩილოს. ამის შესახებ პარლამენტის სპიკერმა "ინტერპრესნიუსთან" განაცხადა.
თალაკვაძე ოპოზიციურ სპექტრს მიმართავს და „მეტი პასუხისმგებლობის“ გამოჩენისკენ მოუწოდებს.
„მივმართავ ოპოზიციას - თუ მართლა გსურთ ვითარების განმუხტვა, ნიკა მელია კანონის მოთხოვნებს უნდა დაემორჩილოს. შემდეგი კონსტრუქციული ნაბიჯი საპარლამენტო პროცესში ჩართვა და იმ გამოწვევებზე და პრობლემებზე ერთობლივი მუშაობა იქნება, რომელიც ჩვენს ქვეყანას და მოქალაქეებს აწუხებთ. მოგიწოდებთ მეტი პასუხისმგებლობისკენ - ქვეყანას არა დესტაბილიზაცია, არამედ გაძლიერება სჭირდება“, - მიმართავს თალაკვაძე ოპოზიციურ სპექტრს.
