როდის მოიხსნება დარჩენილი შეზღუდვები - საკოორდინაციო საბჭო ხვალ გაიმართება
ირაკლი ღარიბაშვილის მონაწილეობით პირველი საკოორდინაციო საბჭო და სიახლეების მოლოდინი - ახლად დამტკიცებული მთავრობის მეთაურის ინფორმაციით, სხდომა ხვალისთვის იგეგმება.
მანამდე ირაკლი ღარიბაშვილმა დააანონსა შეზღუდვების დიდი ნაწილის მოხსნაც, რომელიც მიმდინარე კვირაშივე ამოქმედდება. პრემიერი მოსახლეობას იმასაც დაჰპირდა, რომ COVID-19-ის საწინააღმდეგო ვაქცინა ქვეყანაში დაგვიანებით, თუმცა მარტში შემოვა და წლის ბოლომდე მოსახლეობის 60% აიცრება.
Pfizer-ის ვაქცინის დაგვიანების მიზეზად პრეპარატის მწარმოებელი კომპანიის მხრიდან დამატებითი მოთხოვნები სახელდება. თუმცა საკითხზე პასუხისმგებელი პირები ირწმუნებიან, რომ სხვა პრეპარატის შემოტანის ვადები არ დაირღვევა.
