პროტესტის 27-ე დღე - აქციის მონაწილეებმა რუსთაველის გამზირი გადაკეტეს

პროტესტის 27-ე დღე - რუსთაველის გამზირზე აქციის მონაწილეებმა საავტომობილო გზა გადაკეტეს. ამ დროისთვის, მოძრაობა დედაქალაქის მთავარ გამზირზე უკვე შეჩერებულია.

ამ წუთებში საპროტესტო მარშით რუსთაველის გამზირისკენ მომავალი ექიმები მიდიან. ევროპული მომავლის და ახალი არჩევნების მოთხოვნით სამი სამედიცინო უნივერსიტეტის სტუდენტები ვაკის პარკიდან დაიძრნენ. თეთრხალათიანები მთავარი მოთხოვნები უკანონოდ დაკავებული პოლიტიკური პატიმრების გათავისუფლება და ახალი არჩევნების დანიშვნაა.

აქციის მონაწილეებს ადგილზე მოტანილი აქვთ სხვადასხვა შინაარსის საპროტესტო ბანერები, აქციის დროს დაკავებული და ნაცემი ადამიანების ფოტოები და მათი მთავარი მოთხოვნა ისევ ახალი არჩევნების დანიშვნა და დაკავებული პირების გათავისუფლებაა.

მოქალაქეები „ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. 

მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.