ამ ყვეყანაში კაცობის არაფერი ესმით, კაცების კაცის" ტიტულიც დაიმსახურა ცოლის მცემელმა კაცმა ერთი მატჩით - ბაია პატარაია ბასილაშვილზე
ნიკოლოზ ბასილაშვილის ისტორიულ გამარჯვებას უფლებადამცველი, ბაია პატარაია, ეხმაურება და წერს, რომ მოძალადემ ერთი გამარჯვებით "კაცების კაცის" ტიტული დაიმსახურა.
“კაცების კაცის” ტიტულიც დაიმსახურა ცოლის მცემელმა კაცმა ერთი მატჩით. სპორტული აღტყინება რომ კაცებზე იდიოტურად მოქმედებს, ეს ხომ უკვე ვთქვი. ვის რაში აინტერესებს, ცოლს რომ სცემა ბასილაშვილმა, ბრალი რომ დაუმძიმდა გამოძიების მსვლელობისას, შემაკავებელი ორდერი რომ ნაღდად გამოწერილია მასზე და ეს მაინცაა უკვე სასამართლოთი დადასტურებული…ეჰჰჰ… არაფერი ესმით კაცებს “კაცობისა” ამ ქვეყანაში”, – წერს პატარაია.
შეგახსენებთ, რომ ქართველმა ჩოგბურთელმა 11 მარტს ლეგენდარული როჯერ ფედერერი დაამარცხა.
ლეგენდარული გამარჯვების შემდეგ, ნიკოლოზ ბასილაშვილმა ნახევარფინალურ მატჩში დამაჯერებლად დაამარცხა ამერიკელი ტეილორ ფრიტცი და დოჰას ტურნირის ფინალშია.
