ბელარუსში საპროტესტო აქციების 200-ზე მეტი მონაწილე დააკავეს
ბელარუსში, პრეზიდენტ ალექსანდრე ლუკაშენკოს წინააღმდეგ გასული დღის განმავლობაში გამართული საპროტესტო აქციების დროს სამართალდამცველებმა 200-ზე მეტი ადამიანი დააკავეს, ამის შესახებ ინფორმაციას Euro News-ი, ქვეყნის შინაგან საქმეთა სამინისტროს პრესსპიკერის ოლგა ჩემოდანოვას განცხადებაზე დაყრდნობით ავრცელებს. პრესსპიკერის თქმით, 200-ზე მეტი ადამიანი მასობრივი ღონისძიებების შესახებ კანონმდებლობის დარღვევისთვის დააკავეს.
მინსკის სპეცრაზმმა ქალაქის ცენტრში წყლის ჭავლის მანქანები განათავსეს.
საპროტესტო გამოსვლები ბელარუსში 9 აგვისტოდან გრძელდება, მას შემდეგ რაც საპრეზიდენტო არჩევნებში ალექსანდრ ლუკაშენკოს გამარჯვების შესახებ განაცხადეს.