ისლამისტმა მეამბოხეებმა მოზამბიკის ერთ-ერთ ქალაქზე კონტროლი დაამყარეს
ისლამისტმა მეამბოხეებმა მოზამბიკის ჩრდილოეთ ნაწილში მდებარე ქალაქი პალმა დაიკავეს და უკვე 5 დღეზე მეტია მასზე კონტროლს ინარჩუნებენ. ამის შესახებ Associated Press-ი წერს.
მედიის ცნობით, ქალაქიდან დაახლოებით 35 000 ადამიანი გაიქცა, მათი ნაწილი თავს ახლოსმდებარე პუნქტებს აფარებს, ნაწილი კი - ჯუნგლებში იმალება.
ქვეყნის არმია ცდილობს პალმაზე კონტროლი დაიბრუნოს და შეიარაღებულ დახმარებას მეზობელი სამხრეთ აფრიკის რესპუბლიკიდან ელოდება.
ვრცელდება ინფორმაცია ათობით გარდაცვლილის შესახებ. მათი ნაწილი მკაცრად დასაჯეს. არიან უგზო-უკვლოდ დაკარგულები, მათ შორის უცხოეთის მოქალაქეები.
