Disney-მ სერიალ „ლოკის“ ახალი ტრეილერი გამოაქვეყნა (ვიდეო)
Disney-მ სერიალ „ლოკის“ ახალი ტრეილერი გამოაქვეყნა, რომელშიც პროექტის სიუჟეტის დეტალები გაამხილა.
სერიალში მოქმედება მეოთხე „შურისმაძიებლების“ შემდეგ განვითარდება. Marvel-ის ამ ფილმში ლოკი უსასრულობის ერთ-ერთ ქვას დაეუფლა, რის შემდეგაც დროში მოგზაურობა და ისტორიის შეცვლა დაიწყო.
თუმცა შემდეგ ის ერთ-ერთი ორგანიზაციის თანამშრომლებმა დააკავეს, რომელიც დროის ნაკადებს არეგულირებს. ახლა ლოკიმ რეალობა უნდა გამოასწოროს და ყველაფერი თავის ადგილას დააბრუნოს.
ლოკის როლს, ისევე როგორც Marvel-ის ფილმებში ტომ ჰიდლსტონი დაუბრუნდება. მასთან ერთად სერიალში ოუენ უილსონი, გუგუ მბატა-როუ, სოფია დი მარტინო, რიჩარდ ე. გრანტი და სხვები შეასრულებენ.
„ლოკის“ პრემიერა Disney+ -ზე 11 ივნისს შედგება.
