და ქ ა ლ ე ბ მ ა 1937 წელი დაიწყეს! რ ე პ რ ე ს ი ე ბ ი... კივიან: ოცი წლის წინ მცემდაო და ფულსაც პარფუმერიისთვის იჯიბებენ! - რობერტ სტურუა ნინუცა მაყაშვილის ბრალდებას პასუხობს
რუსთაველის თეატრის სამხატვრო ხელმძღვანელი რობერტ სტურუა მსახიობ ნინუცა მაყაშვილის განცხადებას, ყოფილი მეუღლის, რუსთაველის მსახიობ ბესო ზანგურის მხრიდან ფიზიკური ძალადობის შესახებ, სოციალურ ქსელში ეხმიანება.
"ვგრძნობდი, რომ ესენი ბოლშევიკები იყვნენ, ნეოკომუნისტები! და ქ ა ლ ე ბ მ ა 1937 წელი დაიწყეს! რ ე პ რ ე ს ი ე ბ ი!" - წერს რეჟისორი.
აღნიშნულ პოსტზე სოციალური ქსელის ერთ-ერთ მომხმარებლის მოწოდებას, რომ "მოძალადეს ხელი არ დააფაროს", რობერტ სტურუა შემდეგნაირად პასუხობს:
"წინათ, ქალი, ქმარი რომ მისტოვებდა, გომოსექსუალიზმს აბრალებდა, ახლა ვეღარ ბედავს, ეშინია დემოკრატად აღარ ჩათვლიან, ამიტომ კივიან: ოცი წლის წინ მცემდაო და ფულსაც პარფუმერიისთვის იჯიბებენ! ვაშა ახალ დიდებას! ვაშა კომუნიზმს! P.S. სხვათაშორის ჯონი დეპმა მოიგო საქმე! საზიზღარმა მოძალადემ!"
ორსულად ვიყავი პირველად რომ მცემა ოჯახის წევრების წინაშე - მსახიობი ნინუცა მაყაშვილი მსახიობ ბესო ზანგურს, ფიზიკურ ძალადობაში ადანაშაულებს.
