გარი კასპაროვმა ჭადრაკის სათამაშოდ საკუთარი პლატფორმა შექმნა
ჭადრაკში მსოფლიო ჩემპიონმა გარი კასპაროვმა ჭადრაკის სათამაშოდ საკუთარი პლატფორმა Kasparovchess-ი ჩაუშვა. ამის შესახებ Techcrunch-ი წერს.
ვებგვერდზე შესაძლებელია ჭადრაკის ონლაინ თამაში. გარდა ამისა, ხელმისაწვდომია დაახლოებით 50 000 საჭადრაკო ამოცანა, 1000-ზე მეტი ვიდეოგაკვეთილი, ასევე პოდკასტები, დოკუმენტური ფილმები და ცნობილ ექსპერტებთან და მოჭადრაკეებთან ინტერვიუები.
Techcrunch-ის ცნობით, პლატფორმაზე ლეგენდარული მოჭადრაკეები სხვადასხვა დონის მოთამაშეებს რჩევებსა და მაგალითებს მისცემენ. ვებგვერდი კერძო ინვესტორებისა და ფრანგული მედიაკომპანია Vivendi-ს ფინანსური მხარდაჭერით შეიქმნა.
Kasparovchess-ის ერთთვიანი გამოწერა 14 დოლარი ღირს, წლიური კი - 120 დოლარი.
