CNN: აშშ-ის სახელმწიფო მდივანი მაისში უკრაინას შეიძლება ვიზიტით ეწვიოს
აშშ-ის სახელმწიფო მდივანი, ენტონი ბლინკენი მაისში უკრაინას ვიზიტით შეიძლება ეწვიოს. ინფორმაციას ამის შესახებ ტელეკომპანია CNN-ი უკრაინის მთავრობაში წყაროზე დაყრდნობით ავრცელებს.
CNN-ის ინფორმაციით, კიევში ენტონი ბლინკენის ვიზიტმა უნდა ცხადყოს, რომ ვაშინგტონი მოსკოვის მიმართ ხისტ კურსზე უარს არ იტყვის.
„ის ფაქტი, რომ ბაიდენის ადმინისტრაცია თავის მთავარ დიპლომატს უკრაინაში აგზავნის ბაიდენი-პუტინის შეხვედრამდე რამდენიმე კვირით ადრე მკაფიო სიგნალია იმისა, რომ აშშ მხარს უჭერს უკრაინას და მას როგორც მოკავშირეს აფასებს“, - აღნიშნავს ტელეკომპანია CNN-ი.
