აჭარის მთავრობაში საკადრო ცვლილებია
აჭარის სოფლის მეურნეობის მინისტრის მოადგილეები - სულხან მოწყობილი და რუსლან ქორიძე დაკავებული თანამდებობიდან გათავისუფლდნენ.
რუსლან ქორიძე სოფლის მეურნეობის მინისტრის მოადგილის პოზიციაზე დანიშვნამდე, 2014-2016 წლებში იკავებდა აჭარის მთავრობის აპარატის უფროსის თანამდებობას, ხოლო სულხან მოწყობილი 2017-2018 წლებში ქობულეთის ვიცე მერის პოზიციაზე მუშაობდა.
ასევე, "რუსთავი 2"-ის ინფორმაციით, თანამდებობიდან გათავისუფლდა ხელვაჩაურის მერიის ადმინისტრაციის უფროსი მირზა ბახტაძე, რომელიც ოჯახში ძალადობის ფაქტზეა ბრალდებული და მის საქმეს სასამართლო განიხილავს.
