არ გახვიდეთ საცხოვრებელი ადგილებიდან – ისრაელში საქართველოს საელჩო მოქალაქეებს აფრთხილებს
საქართველოს საელჩო ისრაელში, ქალაქ ლოდში მაცხოვრებელთა საყურადღებოდ კიდევ ერთ განცხადებას ავრცელებს და მოქალაქეებს საცხოვრებელ ადგილებში დარჩენისკენ მოუწოდებს.
„ქალაქ ლოდში მაცხოვრებელთა საყურადღებოდ, არ გახვიდეთ საცხოვრებელი ადგილებიდან. თუ გასული ხართ ქალაქიდან – დროებით, თავი შეიკავეთ დაბრუნებისგან. ამ წუთებში არის შეტაკება პოლიციასა და მოსახლეობის ნაწილს შორის“, — ნათქვამია განცხადებაში.
