2021 წელს აზერბაიჯანიდან ბუნებრივი აირის ექსპორტი თითქმის 80%-ით გაიზარდა
2021 წლის იანვარ-აპრილის პერიოდში აზერბაიჯანიდან ბუნებრივი აირის ექსპორტი თითქმის 79,53%-ით გაიზარდა გასული წლის ანალოგიურ პერიოდთან შედარებით. ამის შესახებ Report.az იუწყება.
აზერბაიჯანის მიერ ექსპორტირებული ბუნებრივი აირის ფასმა 1 მლრდ 131 მლნ აშშ დოლარი შეადგინა. ჯამში 7 მლრდ 837 მლნ კუბური მეტრის ექსპორტი მოხდა.
აზერბაიჯანის ექსპორტის საერთო ოდენობაში ბუნებრივი აირის წილმა ამ პერიოდში
17,78% შეადგინა.
ცნობისთვის, ბუნებრივი აირის ექსპორტის უდიდეს ნაწილს აზერბაიჯანი საქართველოს ტერიტორიის გავლით ახორციელებს. 2021 წლიდან აზერბაიჯანული გაზის მიწოდება საქართველოსა და თურქეთის გავლით ევროპის ქვეყნებში დაიწყო.