ინდოეთში ასობით გვამია ნაპოვნი
ინდოეთში, მდინარე განგში კოვიდინფიცირებისგან გარდაცვლილი ადამიანების ასობით გვამია ნაპოვნი. აღნიშნულის შესახებ ინფორმაციას BBC-ი ავრცელებს.
გამოცემა წერს, რომ ცხედრები ქვიშაში ჩაფლული იპოვეს. გვამების ნაწილი სამართალდამცველებს წყლიდან ამოჰყავთ და კრემაციას უტარებენ.
მსოფლიო მასშტაბით კოვიდ 19-ით ინფიცირების კუთხით, ინდოეთი პირველ ხუთ ქვეყანას შორის მეორე პოზიციას იკავებს. ქვეყანაში კოვიდინფიცირების დადასტურებული შემთხვევების რაოდენობა 25 მლნ-ს აჭარბებს.
