Bloomberg: ევროკავშირი ბელარუსული ავიაკომპანიებისთვის ევროკავშირის წევრი ქვეყნების აეროპორტებში დაშვების აკრძალვას განიხილავს
ევროკავშირი ბელარუსული ავიაკომპანიებისთვის ევროკავშირის წევრი ქვეყნების აეროპორტებში დაშვების აკრძალვას განიხილავს. ინფორმაციას ამის შესახებ სააგენტო Bloomberg-ი წყაროებზე დაყრდნობით ავრცელებს.
წყაროების ინფორმაციით, ევროკავშირს ასევე შეუძლია ბელარუსის გავლით სახმელეთო სატრანზიტო გადაზიდვები აკრძალოს.
23 მაისს Ryanair-ის თვითმფრინავი, რომელიც ათენიდან ვილნიუსში რეისს ასრულებდა, ბორტზე ბომბის არსებობის შესახებ შეტყობინების გამო მინსკში დაეშვა. მოგვიანებით გაირკვა, რომ ეს ინფორმაცია არ დადასტურდა. ამასთან, რეისის ერთ-ერთი მგზავრი, ოპოზიციურად განწყობილი ბელარუსი ჟურნალისტი, რომან პროტასევიჩი დააკავეს.
ბელარუსში რომან პროტასევიჩს მინსკში მასობრივი არეულობის მოწყობასა და ხელისუფლებისა და მილიციის წარმომადგენლების მიმართ „სოციალური შუღლის გაღვივებაში“ ადანაშაულებენ.
