"19 წლის ვიყავი როცა პროდიუსერმა გამაუპატიურა, შემდეგ კი ორსული ქუჩაში დამტოვა" - ლედი გაგა
ლედი გაგას თქმით, ის 19 წლის იყო, როდესაც მუსიკალურმა პროდიუსერმა გააუპატიურა და დაორსულდა.
ამის შესახებ გრემისა და ოსკარის მფლობელმა მომღერალმა ოპრა უინფრისა და პრინცი ჰარის ერთობლივი გადაცემის პირველ სერიაში - "მე, რომელსაც ვერ მხედავ" ისაუბრა. გადაცემა მენტალურ ჯანმრთელობას ეხება.
”19 წლის ვიყავი. პროდიუსერმა მითხრა:” გაიხადე ტანსაცმელი ”. მე უარი ვუთხარი და წამოვედი. მათ კი მითხრეს, რომ ისინი დაწვავდნენ ჩემს ყველა მუსიკალურ ნამუშევარს და ისინი არ ჩერდებოდნენ. მე გავყინე და შემდეგ არაფერი მახსოვს”- თქვა მომღერალმა, რომელმაც სექსუალურ ძალადობაზე პირველად 2014 წელს ისაუბრა.
გაგას თქმით, ფიზიკურ და ფსიქოლოგიურ ტკივილს მომხდარის შემდეგ წლების განმავლობაში დროდადრო გრძნობდა, რის გამოც ექიმს რამდენჯერმე მიმართა.
„მივხვდი, რომ ეს იგივე ტკივილი იყო, რაც მაშინ ვიგრძენი, როდესაც კაცმა, რომელმაც გამაუპატიურა, ორსული, ქუჩაში, ჩემი მშობლების სახლის კუთხესთან მიმატოვა “ - თქვა გაგამ.
ლედი გაგას თქმით, ძალიან ბევრჯერ ყოფილა სხვადასხვა გამოკლევაზე.
"ექიმები ვერაფერს პოულობენ, მაგრამ შენს სხეულს ახსოვს" - ამბობს მომღერალი.
გაგამ უარი თქვა იმ პირის დასახელებაზე, ვინც იგი გააუპატიურა.
"მე მესმის ეს #MeToo მოძრაობა, მესმის, რომ ზოგიერთი ადამიანი ადამიანისთვის ეს შვებაა, თუმცა, ჩემთვის არა. არ მინდა, ამ ადამიანს ოდესმე პირისპირ შევხვდე" - თქვა მან.
გაგამ 2012 წელს შექმნა ფონდი Born this Way, იმ ადამიანებისთვის, რომლებიც მენტალური ჯანმრთელობის საკითხები აწუხებთ.
წყარო:newpost