ელისაბედ მეორე საქართველოს დამოუკიდებლობის დღეს ულოცავს
ელისაბედ მეორე საქართველოს დამოუკიდებლობის დღეს ულოცავს. დიდი ბრიტანეთის დედოფლის მისალოც წერილს, რომლის ადრესატიც პრეზიდენტი ზურაბიშვილია, საქართველოში ბრიტანეთის საელჩო აქვეყნებს.
„თქვენს აღმატებულებას და საქართველოს მოსახლეობას საუკეთესო სურვილებით ვულოცავ ეროვნულ დღესასწაულს. რთული წლის შემდეგ, ვიმედოვნებ, რომ გადავლახავთ მსოფლიო ჯანმრთელობის გამოწვევებს და მომავალში უკეთესი დრო გველოდება“, - ნათქვამია დედოფლის წერილში.
