აპირებენ თუ არა ძმები არველაძეები პოლიტიკურ აქტიურობას? - რას ამბობს არჩილ არველაძე
ყოფილი ფეხბურთელის, არჩილ არველაძის თქმით, ექსპრემიერ გიორგი გახარიას პრეზენტაციაზე მისვლა არ ნიშნავს, რომ პოლიტიკაში ჩართვასა და ფეხბურთიდან წასვლას აპირებს.
როგორც საქართველოს ნაკრების ყოფილმა თავდამსხმელმა "პირველ არხთან" განაცხადა, მომავალში უცხოეთში წასვლის და მიშაობის სურვილი აქვს. და
„პოლიტიკურ აქტიურობას არ ვაპირებ, რადგან მე ჩემი საქმით ვარ დაკავებული. იმედი მაქვს, სულ ცოტა ხანში ისევ უცხოეთში წასვლა და მუშაობა მომიწევს. ყველა ადამიანივით ჩვენც რაღაც მოვლენები ინფორმაციულ დონეზე გვაინტერსებს. სადღაც მივალ, სადღაც დამპატიჟებენ, სადღაც კი არ მიმიწვევენ და ასე შემდეგ. მთავარია, რომ ჩვენ ჩვენი საქმე გვაქვს“, – განაცხადა აჩიკო არველაძემ საქართველოს პირველ არხთან.
საქართველოს ნაკრების ყოფილი თავდამსხმელის თქმით, ის და მისი ტყუპისცალი შოთა არველაძე ახალ გუნდთან დაკავშირებით გადაწყვეტილებას მალე მიიღებენ.
„შოთა რომელ გუნდს ჩაიბარებს, ჯერჯერობით გადაწყვეტილი არაა, მაგრამ მოლოდინში რეჟიმში ვართ. მოლაპარაკება გვაქვს ევროპულ გუნდებთან, არის ვარიანტები თურქეთსა და აზიურ ქვეყნებში, მაგრამ ჯერ გარკვეული არაფერია“, – ამბობს არველაძე.
