თეგებით ძიება

დასაქმებულთა რაოდენობა 9%-ით შემცირდა - საქსტატი

საქსტატის ინფორმაციით, მიმდინარე წლის პირველ კვარტალში წინა წლის შესაბამის პერიოდთან შედარებით დასაქმებულთა რაოდენობა 9%-ით შემცრიდა და მათი საშუალო რაოდენობა 622.7 ათასით განისაზღვრა, გასულ წელს კი 684.4 ათასი იყო.

დასაქმებულთა მთლიანი რაოდენობის 41.5% მსხვილ ბიზნესზე მოდის, 22.5% - საშუალოზე, ხოლო დარჩენილი 36.0% - მცირე ბიზნესზე. ამასთან, დაქირავებულთა მთლიანმა რაოდენობამ 586.4 ათასი კაცი შეადგინა, რაც გასული წლის შესაბამის პერიოდთან შედარებით - 8.5% ნაკლებია.

2021 წლის პირველ კვარტალში საშუალო თვიური ხელფასი ბიზნეს სექტორში 1 283.5 ლარს გაუტოლდა (გასული წლის შესაბამისი პერიოდის მაჩვენებელთან შედარებით გაზრდილია 56.5 ლარით). საწარმოთა ზომის მიხედვით, საშუალო თვიური ხელფასი შემდეგნაირია: მსხვილი ბიზნესი – 1 341.9 ლარი; საშუალო ბიზნესი – 1 474.5 ლარი; მცირე ბიზნესი - 1 061.9 ლარი.

დასაქმებულთა რაოდენობა რეგიონების მიხედვით ასე ნაწილდება:

თბილისი - 65.4%,

აჭარა - 8.1%,

იმერეთი - 6.9%,

ქვემო ქართლი - 5.8%,

სამეგრელო-ზემო სვანეთი - 4.0%.


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა