მსოფლიოში აივ ინფექციის 1.5 მილიონი ახალი შემთხვევაა - ჯანმო
ჯანდაცვის მსოფლიო ორგანიზაციის მიერ გამოქვეყნებული განცხადების თანახმად, მსოფლიომ დიდი პროგრესი განიცადა, თუმცა აივ ინფექცია დასრულებისაგან ჯერ კიდევ ძალიან შორს არის.
ჯანმო-ს მონაცემებით, ამჟამად მსოფლიოში აივ ინფექციით 37.6 მილიონი ადამიანია ინფიცირებული.
გარდაცვლილთა რაოდენობა კი 690 000 ადამიანს აღწევს.
ჯანმო-ს ცნობით, წელს მსოფლიოში ინფიცირების 1.5 მილიონი ახალი შემთხვევა გამოვლინდა.
საქართველოში 8 823 აივ ინფიცირებული პირია რეგისტრირებული. მათ შორის მამაკაცი 6 587, ხოლო ქალი - 2 236.
გაერო-ს ბავშვთა გადაუდებელი დახმარების საერთაშორისო ფონდის (UNICEF) განცხადებით, გასულ წელს აივ-ინფექციით მსოფლიოში ყოველ 100 წამში ერთი ბავშვი ან მოზარდი ინფიცირდებოდა.
