საქართველოში კორონავირუსს კიდევ ერთი ექიმი ემსხვერპლა
წმინდა მიქაელ მთავარანგელოზის სახელობის კლინიკური საავადმყოფოს ექიმი - რეანიმატოლოგი, სოფიო შინჯიაშვილი გარდაიცვალა. სამწუხარო ინფორმაციას სოციალურ ქსელში კლინიკა ავრცელებს.
"დიდი ტკივილი მოგვაყენა ჩვენი კლინიკის ექიმი - რეანიმატოლოგის, სოფიო შინჯიაშვილის გარდაცვალებამ.
მიხაილოვის საავადმყოფოს თითოეული თანამშრომელი უსამძიმრებს ოჯახს და გამოთქვამს გულწრფელ მწუხარებას.
დიდი დანაკლისია ასეთი მეგობრის, კოლეგის და პროფესიონალის დაკარგვა ჩვენთვის.
ღმერთმა ნათელში ამყოფოს მისი სული!", - აღნიშნულია განცხადებაში.
