"ნამახვანს აპროტესტებდნენ ადამიანები, რომლებსაც ამ ხეობის პრობლემა არასოდეს შეეხებათ - რუსუდან გოცირიძე
ევანგელისტურ-ბაპტისტური ეკლესიის ეპისკოპოსი რუსუდან გოცირიძე "თბილისი პრაიდთან" დაკავშირებით გავრცელებულ განცხადებას ეხმაურება.
"როგორი დასანანია, რომ აქტივისტები, რომლებმაც იციან რას ნიშნავს ხმის ამოღების გამო პროვოკატორს და პოლიტიკურად მოსყიდულს რომ გეძახიან, დღეს სხვას ეძახის იგივეს საკუთარი პრობლემის გამო ხმის ამოღებისათვის...ნამახვანს აპროტესტებდნენ ადამიანები, რომლებსაც ამ ხეობის პრობლემა არასოდეს შეეხებათ. ესაა სოლიდარობის ძალა. ერის ერთიანობა, რომლის რღვევასაც ისინი "პროვოკატორებს" აბრალებენ, სწორედ მაშინ ხდება, როცა მხოლოდ საკუთარ საფიქრალს ფიქრობ და სხვისა არ გადარდებს," - წერს რუსუდან გოცირიძე Facebook-ზე.
